“მერძევეობის დარგის მოდერნიზაციის და ბაზარზე წვდომის” სახელმწიფო პროგრამა

“მერძევეობის დარგის მოდერნიზაციის და ბაზარზე წვდომის” სახელმწიფო პროგრამა, სოფლის მეურნეობის განვითარების საერთაშორისო ფონდის (IFAD) სრული დაფინანსებით, იწყებს განაცხადების მიღებას საქართველოს 4 რეგიონში – სამცხე-ჯავახეთი, იმერეთი, სამეგრელო-ზემო სვანეთი, რაჭა-ლეჩხუმი და ქვემო სვანეთი – რძის წარმოებაში ჩართული ფერმერებისგან, მათთვის სრულად დაფინანსებული, ტექნიკური დახმარების მისაღებად, რათა გააუმჯობესონ ფერმის ჰიგიენური პირობები, პირუტყვის პროდუქტიულობა, წარმოებული პროდუქციის ხარისხი/მოცულობა და ა.შ.

პროგრამის ფარგლებში განაცხადის წარმოდგენა შეუძლია ყველა ფერმერს, ვინც:

• ფლობს 6-დან 20 სულამდე მერძეულ პირუტყვს (ფურს);
• აწარმოებს და მომხმარებელს აწვდის რძეს და რძის პროდუქტებს.

პროგრამის პირობები:

მონაწილედ შერჩეულ ფერმერთა მეურნეობაში – ექსპერტთა რეკომენდაციის და მესაკუთრესთან შეთანხმების საფუძველზე – მოეწყობა შემდეგი ტიპის სადემონსტრაციო ფერმები:

• რძის მენეჯმენტი/რძის ჰიგიენა;
• ცხოველის ჯანმრთელობა და კეთილდღეობა;
• პირუტყვის საკვების წარმოება;
• პირუტყვის საკვების კონსერვაცია.

დამატებითი ინფორმაციისთვის ეწვიეთ ბმულს: https://rda.gov.ge/projects/read/dairy_modernization_market/23:parent